اهل جوزي حكايات رومانى مكرم 1

المستشار خبط بالشاكوش وزعق: “سكوت في القاعة!” وبصلي وقال: “عندك دليل على الكلام ده يا مدام؟”

طلعت الموبايل من شنطتي وقولت بكل ثقة: “عندي فلاشة عليها تسجيلات صوتهم وهما بيحفظوني الشهادة الزور في بيتنا، ومعايا كمان تسجيلات ورسايل من زوجي المحترم وهو بيتحرش بمرات أخوه ويحاول يوقعها، ولما رفضته، اتفقوا مع أخوه عشان يعملوا اللعبة دي ويطلقوها ويضيعوا شرفها وحقها.”

المحامي بتاع ريم اتدخل فوراً وقدم الفلاشة والموبايل لهيئة المحكمة. القاضي أمر بالتحفظ على الأدلة فوراً، وبص لجوزي وسلفي بنظرة غضب تزلزل.

في اللحظة دي، جوزي هجم عليا في القاعة وهو بيصرخ: “يا بنت الـ… هقتلك!” بس عساكر المحكمة مسكوه وكلبشوه هو وأخوه فوراً بتهمة التحريض على الشهادة الزور والتزوير وبلاغ الكذب.

حماتي وقعت في الأرض تصرخ وتلطم، وجوزي وسلفي بيتسحبوا للكلبوش قدام عيني. ريم جرت عليا وحضنتني وهي بتبكي بهستيريا وبتقول: “نصرتيني.. ربنا ينصرك.”

بصيت لجوزي وهو متكلبش ورايح للحجز، وقولت له بأعلى صوتي والكل بيسمع: “محدش بيعرف الحقيقة يا… مش كده؟ أهو ربنا عرفها وعرف العالم كله حقيقتكم.. والورقة اللي هتوصلني منك بعد كده مش هتبقى ورقة صلح، هتبقى ورقة طلاقي ومؤخري وقايمتي كاملة، والقايمة بتاعتي مش هسيب فيها مسمار واحد!”