متجوز من 14 سنه حكايات رومانى مكرم 2
رديت عليها بنظرة برود قاتلة: “القض*ية مابقتش فلوس يا أم البنات.. الق**ضية بقت ق*ضية شرف وزنا وخيانة أمانة.. والناس كلها في منطقتنا وعيلتك وعيلته عرفوا الحقيقة.. اطلعي بقا من المحكمة ووري فرجك للناس”.
رجعت الشقة الإيجار الصغيرة لبناتي، لقيتهم قاعدين بيذاكروا على طبلية صغيرة. بستاني وبصيت في عيونهم، وحسيت لأول مرة من سنة إن الحمل بدأ يخف من على ضهري. صحتي لسه تعبانة، وجسمي لسه شايل هموم الغربة، بس روحي رجعتلي.
الفضيحة بدأت تسمع في منطقتنا القديمة، وعيلة ممدوح قاطعتهم، ومراته الأولى رفعت عليه قض*ية طلاق ونفقة وحجزت على محله، وبقوا هما الاتنين محبوسين جوة الشقة اللي سرقوها مني، مبيقدروش يفتحوا الشيش ولا يخرجوا في البلكونة من نظرات الناس وكلامهم اللي زي السم.
المحامي كلمني بالليل وقال لي: “التقرير الفني جه وصالحنا 100%، والجلسة الجاية هتبقى القاضية يا جمال.. جهز نفسك عشان النيابة هتطلب ضبط وإحضار”.
قعدت على الكرسي، وابتسمت لأول مرة من قلب بجد.. الحساب لسه مخلصش، والضربة الكبيرة جاية في الطريق، والدم مش هيبقى مية.
#الكاتب_رومانى_مكرم
الجزء الرابع (قبل الأخير):
البلد كلها بقت بتتكلم عن القصة. المحل بتاع ممدوح اتقفل بالشمع الأحمر بعد ما مراته الأولى حجزت عليه، وأهله عملوا قعدة في القهوة الكبيرة وأعلنوا قدام كبار المنطقة إنهم بريئين من دم أخوهم ومن عمايله الخسيسة لحد يوم الدين. طليقتي وممدوح بقوا عايشين زي الفئران المحبوسة جوة شقتي، النور مطفي طول الليل، والشبابيك متقفلة بالخشب عشان خايفين من الطوب اللي العيال الصغيرة بقت ترميه على البلكونة.
يوم الجلسة الحاسمة، المحكمة كانت زحمة لدرجة إن مكنش فيه مكان لرجل. الناس من منطقتنا ومن برة جوم عشان يشوفوا نهاية “الخيانة”.
دخلت القاعة وأنا ساند على المحامي بتاعي، وجوايا هدوء غريب. وبعد دقايق، دخل ممدوح وطليقتي والحرس محاوطهم من كل حتة.. النيابة كانت أصدرت قرار ضبط وإحضار ومنع من السفر بناءً على تقرير قطاع الاتصالات اللي أثبت إن التسجيلات والرسايل سليمة ومفيش فيها أي تلاعب.
وقف وكيل النيابة وبدأ يلقي مرافعته، وصوته كان زي الرعد في القاعة: “يا سيادة المستشار، إننا لا نواجه قض*ية سرقة أو نزاع مالي عادي، بل نواجه ج*ريمة اغت*يال معنوي مكتملة الأركان. رجل تغرب وأكل العيش المر، ووثق في زوجته وصديقه، فما كان منهما إلا أن طعناه في ظهره، ونسجا خيوط المؤامرة وهو في غربته، ليجرداه من ماله، وعرضه، وبيته. نطالب بتطبيق أقصى العقوبة بتهمة الزنا، والتزوير، وخيانة الأمانة”.
