جوزي حكايات رومانى مكرم 2
مع دقات الساعة الخامسة صباحاً، تحولت طرقات المستشفى لخلية نحل. المفاجأة اللي طارق مكنش يعمل حسابها، إن بلاغ الكسب غير المشروع والأموال العامة ممرش على القنوات الروتينية الطويلة؛ المستندات كانت من الخطورة والوضوح لدرجة إن أمر التحفظ على طارق العادلي واتخاذ إجراءات منع السفر وتجميد الأرصدة صدر في وقت قياسي بقرار سيادي، وقبل ما الشمس تطلع.
كنت ساندة ضهري المكسور على سرير الطوارئ لما الباب اتفتح، ودخل ظابط برتبة عقيد من مباحث الأموال العامة، ومعاه اتنين أمناء شرطة. بص للدكتورة ماجدة، وبعدين وجه نظره ليا وبكل احترام قال:
— سيادة المفتشة ريهام؟ أنا العقيد شريف من مباحث الأموال العامة. البلاغ والمستندات اللي بعتيها اطلعت عليها النيابة فجراً، وبناءً عليه صدر أمر بضبط وإحضار طارق العادلي ووالدته نجوى الشهاوي، وتفتيش مقر الشركة ومقر السكن فوراً.
في اللحظة دي، سمعنا بره الأوضة صوت زعيق وهيستريا. كانت الحجة نجوى بتصرخ وهي شايفه اتنين مخبرين بيقربوا منها وبيكلبشوا إيدها. طارق، اللي كان محجوز في الغرفة المجاورة تحت حراسة القسم، طلعوا بيه وهو مكلبش. أول ما عينه جت في عيني من ورا زجاج الباب، ملامحه كانت مرعبة. مكنش فيه خوف، كان فيه غل أعمى. حاول يندفع ناحية أوضتي وهو بيزعق:
— مش هتلحقي تفرحي يا ريهام! وحياة ابني ما هسيبك.. مفاتيح اللعبة كلها لسه في إيدي، والفلوس اللي بتتكلمي عنها دي مأمنة بره مصر في حسابات مش هتعرفي توصلي لها، يعني لو أنا وقعت، إنتي وابنك مش هتلاقوا تاكلوا! هخليكي تشحتي!
الظباط شدوه بقوة ونزلوه في السلم الخلفي للمستشفى عشان يتجنبوا الصحافة اللي بدأت تصحى على الخبر، خصوصاً إن اسم “مؤسسة العادلي” اسم تقيل في السوق.
الدكتورة ماجدة قفلت الباب وتنهدت:
— الراجل ده مش هيستسلم بسهولة يا ريهام، النبرة اللي اتكلم بيها دي نبرة واحد لسه قارس على ورق قوي.
بصيت للعقيد شريف وقلت له بصوت مبحوح بس ثابت:
— أنا عارفة هو بيقصد إيه يا فندم. طارق مهرب أكتر من 200 مليون جنيه لشركات واجهة (Offshore companies) في جزر الكايمان وقبرص، والتحويلات دي تمت تحت غطاء صفقات استيراد حديد ومواد بناء وهمية. بس اللي هو ميعرفوش، إن الفلاشة اللي مع السيادة العادلي في خزنتها السرية في البيت، أنا نسخت “السيرفر” الداخلي بتاعها كله.
العقيد شريف ابتسم بنباهة وقال:
— عشان كده قوة التفتيش الحالية في فيلا الرحاب مش بتدور على ورق عدي، إحنا بعتنا متخصصين تكنولوجيا معلومات يربطوا الأجهزة بالسيرفر اللي إنتي أرشدتي عنه في البلاغ.
