بعد ٦ شهور نور محمد 1
بس الصدمة الحقيقية والكارثة اللي جمدت الدم في عروقي مكنتش هنا.. وأنا بقلب في الخزنة وعينيا مليانة دموع، لقيت **ملف أصفر** مكتوب عليه اسمي. بفتحه لقيت ورق مضيت عليه وسط دموعي وانهياري يوم ما طلب مني الفلوس، قالي وقتها إنها “إجراءات القرض والضمان”.. بس الحقيقة إنها كانت “إيصالات أمانة” على بياض لصالح حماتي!
وجنبها لقيت “حكم محكمة غيابي”بالسجن ٧ سنين ضدي بتهمة خيانة الأمانة!
فهمت كل حاجة.. هما مكنوش بس بيسرقوا فلوسي، دول كانوا مجهزين الورق عشان يسلموني للشرطة ويرموني في السجن، ويخلصوا مني للأبد من غير ما أقدر أطالب بقرش واحد من حقي، وهو يعيش حياته كأنه متعرفش عليا أصلاً!
سمعت صوت مفتاح الباب بيلف.. سحبت الحكم وإيصالات الأمانة، وخبیتهم في هدومي، وخرجت للصالة بسرعة.
لقيت حماتي دخلت، ووراها أحمد بكامل أناقته، وماسك في إيده عروسته الجديدة اللي باين عليها علامات الحمل في الشهور الأولى!
حماتي بصتلي باشمئزاز وقالت: “إيه ده؟ إنتي لسه هنا؟ كويس إنك شوفتي بنفسك.. أحمد اتجوز اللي تليق بيه، مش موظفة شقيانة زيك.. لمي هدومك، عشان العروسة هتبات هنا النهاردة لحد ما فرش الفيلا يخلص.”
أحمد بصلي ببرود وقالي: “إنتي كنتي مجرد كوبري.. فلوسك عملتلي الأساس اللي وقفت عليه، ودلوقتي الباب يفوت جمل.. اطلعي برا بهدومك اللي عليكي بس.”
في اللحظة دي مابكيتش ولا صرخت.. بالعكس، مسحت دموعي وابتسمت ابتسامة خلتهم يتساءلوا في رعب.
قربت من العروسة الجديدة، وطلعت “إيصالات الأمانة وحكم المحكمة” من جيبي وقولت بصوت هادي:
— “ألف مبروك يا عروسة.. بس خدي بالك، الراجل اللي إنتي متجوزاه ده مش رجل أعمال، ده نصاب محترف.. خد شقى عمري وميراثي وبنى بيهم نفسه، وكان ناوي يرميني في السجن بالإيصالات المزورة دي عشان يخفي جريمته ويفضالك إنتي والفيلا!”
أحمد وشه جاب ألوان، وعينيه جحظت برعب وصرخ: “إنتي إزاي فتحتي الخزنة؟! هاتي الورق ده يا مجنونة!”
وهجم عليا عشان يمسكني ويخنقني وياخد الورق، والعروسة بتصرخ بذهول، وحماتي بتدور على حاجة تضربني بيها..
لكني ضحكت بصوت عالي وقولتله….
أحمد وقف مكانه كأن صاعقة ضربته من کلامي، ركبه سابت ووقع على الأرض، وحماتي لطمت على وشها..
وفي اللحظة دي بالذات، جرس الباب ضرب بجنون، والباب اتكسر بعنف ودخل منه…
… وقولتله: “الحق صوّرني فيديو وأنا واقفة في الصالة، عشان ده آخر مشهد هتشوفني فيه وأنا الطرف الضعيف.. إنت نسيت إني موظفة في بنك يا أحمد؟ ونسيت إن أختي الكبيرة متجوزة رئيس مباحث الأموال العامة؟ الورق اللي في إيدي ده أنا بعتّ صورته لايف على تليفونه وتليفون المحامي بتاعي من دقيقتين بس وأنا جوة الأوضة، يعني حتى لو قتلتني هنا، حبل المشنقة هيكون مستنيك إنت وأمك!”
