بعد ٣ سنين نور محمد 3
تراجعتُ خطوات إلى الخلف حتى اصطدم ظهري بسور السطح الحديدي البارد. نظرتُ إلى أمي والذهول يشلّ عقلي… المرأة التي كانت مصدر أماني، تقف أمامي الآن بملامح مشوهة بالجشع، تمسك بحقيبة شيرين كأنها عثرت على كنز، غير مبالية بج*ثث تتمدد أسفل المبنى!
صرختُ بوجعٍ ومقت:
– “فلوس؟! سر؟! إنتي إيه يا شيخة؟ إنتي مستحيل تكوني أمي! إنتي بعتيني… بعتي بنتي وضحكتي عليا وقولتيلي ماتت في الحضانة عشان شوية فلوس؟! خلتيني أعيش ٣ سنين بموت في اليوم ألف مرة وأنا بعيط على ضنايا!”
أمي خطت نحوي ببرود مخيف، ولم تبرق في عينيها أي لمحة ندم، بل قالت بنبرة حادة وهمس وضيع:
– “افهمي يا غبية! أنا مبعتهاش عشان فلوس وبس… أنا بعتها عشان أحميكي وأحمي نفسي! عمر وأمه كانوا عارفين إن أختك ‘هنا’ ماتت وهي حامل، وشيرين كانت بتهددنا تفضحنا وتقول إن ‘هنا’ كانت مأجرة رحمها في السر برة مصر ودا ممنوع وهيدخلنا في قضايا ومصايب تشيل عيلتنا كلها! ولما إنتي ولدتي وبنتك نزلت تعبانة، حماتك وعمر عرضوا عليا الحل… ناخد بنتك نديها لشيرين على إنها البنت اللي ‘هنا’ ولدتها برة، وشيرين تسكت، وإنتي لسه صغيرة وتخلفي غيرها!”
– “وتخلفي غيرها؟! بالبساطة دي؟!” صرختُ والدموع تحرق وجهي: “دي بنتي! حتة مني! بعتوها واشتريتوها في سوق قذارتكم!”
أمي قاطعتني بغل وهي ترفع الحقيبة:
– “ودلوقتي شيرين وعمر ماتوا! يعني مفيش حد يقدر يثبت إن البنت دي مش بنت شيرين وعمر غير الورق اللي معايا في الشنطة دي… والوصية اللي سابتها أختك ‘هنا’ لسه سارية! الوصية بتقول إن أملاك أبو شيرين كلها تروح للبنت دي، وبما إن البنت قانوناً بنت عمر وشيرين، وإنتي خالتها والوصية عليكي… الفلوس دي كلها هتبقى في إيدينا! هنعيش في عز يا رحاب… بنتك هترجع لحضنك بس بصفتك خالتها ومربيتها، والمليونيرية هيبقوا إحنا!”
نظرتُ إليها بقرف واشمئزاز لم أشعر بهما قط تجاه بشر. كانت مستعدة أن تحرمني من لقب “أمي” أمام ابنتي طوال العمر، فقط من أجل المال.
تقدمتُ نحوها بخطوات ثابتة وعيني تطلق شراراً:
– “أنا مش هعيش في كدبة تاني يا أمي… ومش هاكل من فلوس حرام وعمدانها ج*ثث! البنت دي بنتي، وهتطلع من المستشفى دي باسمي، والعالم كله هيعرف الحقيقة… وإنتي أول واحدة هتتدخلي السجن على اللي عملتيه فيا وفي بنتي وفي أختي!”
ملامح أمي تغيرت فجأة من البرود إلى جنون خالص يماثل جنون شيرين قبل دقائق. ضغطت على الحقيبة بيدها الأخرى، وتقدمت نحوي بخطوات سريعة وهي تهمس:
